ខ្យល់ត្រជាក់

បទភ្លេង	: បរទេស
ទំនុកច្រៀង	: ស៊ីវ សុន	ច្រៀងដោយ	: ស៊ីន ស៊ីសាមុត

១ -         ឱ! ផ្ទៃមេឃស្រឡះភ្លឺថា   ពន្លឺសោភាស្រស់ត្រចង់   ផ្ការីកលូតលាស់

              រហង់   រហង់រីកស្រស់បំព្រង  តើចាំអ្នកណា  ។

២ -         ខ្យល់បកមកត្រជាក់ក្នុងចិត្ត  ចិន្តាខ្ញុំគិតដល់ជីវ៉ា  ក្រអូបក្លិនស្រីរសាត់

              តាមខ្យល់  ធ្វើឱ្យខ្ញុំខ្វល់ព្រោះក្លិនស្នេហា ។

បន្ទរ -    ខ្យល់អើយខ្យល់ត្រជាក់  រសាត់មកថ្នាក់ថ្នមសព្វកាយា  ចិតរំភើប

              ស្រៀវស្រើបចិន្តា  ពេលណាថ្ងៃណាបានផ្កាមក្បែរខ្ញុំ      ។

៣ -        រាត្រីនេះរាត្រីស្អែក  ផ្កាកុំប្រកែកខ្ញុំក្រៀមក្រំ  អាសូរដូងចិត្តកំព្រា

              ច្រើនឆ្នាំ  ព្រោះតែរង់ចាំទទួលក្លិនផ្កា  ។